Жорий йилнинг 22 июль куни ЎзР ФА Зоология институтига Хитой Халқ Республикаси Фанлар академияси Зоология институти профессорлари профессорлари Сhеn Jun, Lei Fumin, Juanjuan Yuan, Runzhi Zhang, Gang Sang ва Нанкай университети Энтомология институти илмий ходими Chunyan Jiang ташриф буюрдилар.
«САS-ТWAS Хитой Халқ Республикаси Фанлар академияси президенти стипендияси дастури» га Ўзбекистон томонидан номзодларни тавсия этиш ва уларни РhD илмий даражасини олиш учун илмий-тадқиқот ишларини бажаришга молиявий жиҳатдан 3 йил мобайнида қўллаб-қувватлаш масаласини муҳокама қилиш;
Хитой Халқ Республикаси Фанлар академияси Пекин шаҳридаги Зоология институти ва Зоология музейида ҳамда ЎзР ФА Зоология институтида амалга ошираётган илмий-тақиқот ишлари муҳокамаси;
Ўзбекистоннинг шарқий қисми ҳайвонот дунёсини ўрганишга қаратилган янги илмий лойиҳаларни муҳокама қилиш ва хитойлик мутахассисларнинг ташриф кунлари давомида институт ходимлари билан биргаликда республиканинг мазкур худудига экспедиция ташкил этиш;
ЎзР ФА Зоология институти ходимларининг 2019 йил ноябрь ойида Хитой Халқ Республикаси Фанлар академияси Пекин шаҳридаги Зоология институтига хизмат сафарини, унинг мақсад ва вазифаларини муҳокама қилинади.
Хитой Халқ Республикаси Фанлар академияси Зоология институти олимлари 23 июлда ЎзР ФА Зоология институтининг мажлислар залида институт олимлари билан ўзаро фикр алмашдилар. Куннинг иккинчи ярмида Хитойлик меҳмонлар ЎзР ФА Зоология институтининг барча лабораториялари ва ноёб объект Зоология коллекцияси билан танишдилар. Зоология коллекциясида сақланаётган намуналар меҳмонларда катта қизиқиш уйғотди.
Хитой Халқ Республикаси Фанлар академияси Зоология институти олимлари Ўзбекистон Миллий университети Биология факультети Зоология кафедраси, Зоология музейи ҳамда Экология кафедраси фаолияти билан яқиндан танишдилар ва ҳамкорлик бўйича уч томонлама меморандум имзолашга келишиб олишдилар.
Хитой Халқ Республикаси Фанлар академияси Зоология институти илмий ходимлари билан ҳамкорликда Ўзбекистон Республикаси Фанлар академияси Зоология институти директори Б. Холматов, Энтомология лаборатория мудири Г. Мирзаева ҳамда илмий ходимлар М. Медетов, С. Сабиров, Ш. Назаровларга 2019 йил 25-30 июль кунларида Қашқадарё ва Самарқанд вилоятларига экспедиция уюштирдилар.
